နေ့စဉ် နည်းပညာသတင်း — ၁၀ မေ ၂၀၂၆

၁။ iQOO 15T ၏ အချက်အလက်အပြည့်အစုံ ပေါက်ကြား

iQOO မှ မကြာမီ မိတ်ဆက်မည့် iQOO 15T စမတ်ဖုန်း၏ အချက်အလက်အပြည့်အစုံကို နာမည်ကျော် Leaker Digital Chat Station မှ ဖော်ပြလိုက်သည်။

အဆိုပါဖုန်းတွင် ၆.၈၃ လက်မအရွယ်အစားရှိ မျက်နှာပြင်၊ Dimensity 9500 Chipset နှင့် 8,000mAh ဘက်ထရီတို့ ပါဝင်လာမည်ဟု သိရသည်။

၂။ Nintendo Switch 2 ဈေးနှုန်း မြင့်တက်မည်

ပြီးခဲ့သည့်နှစ်က အမေရိကန်တွင် ဒေါ်လာ ၄၄၉.၉၉ ဖြင့် စတင်ရောင်းချခဲ့သော Nintendo Switch 2 သည် လာမည့် စက်တင်ဘာလ ၁ ရက်နေ့မှစတင်၍ ဒေါ်လာ ၅၀ ဈေးနှုန်း မြင့်တက်မည်ဖြစ်သည်။

ထို့ကြောင့် ဈေးနှုန်းအသစ်မှာ ဒေါ်လာ ၄၉၉.၉၉ ဖြစ်လာမည်ဖြစ်ပြီး ကမ္ဘာ့စီးပွားရေး အခြေအနေများကြောင့် ယခုကဲ့သို့ ဈေးနှုန်းပြောင်းလဲရခြင်းဖြစ်ကြောင်း Nintendo မှ ပြောကြားထားသည်။

၃။ Honor Magic9 Pro Max ၏ အချက်အလက်များ ထပ်မံထွက်ပေါ်

ပြီးခဲ့သည့် ဧပြီလကတည်းက သတင်းထွက်ပေါ်နေသော Honor Magic9 Pro Max ၏ အချက်အလက်အသစ်များ ထပ်မံထွက်ပေါ်လာသည်။

တရုတ်နိုင်ငံမှ သတင်းရင်းမြစ်များအရ အဆိုပါဖုန်းတွင် အဆင့်မြင့် ကင်မရာစနစ်နှင့် ပိုမိုကောင်းမွန်သော စွမ်းဆောင်ရည်များ ပါဝင်လာမည်ဟု သိရသည်။

၄။ DJI Osmo Mobile 8P စမတ်ဖုန်း Gimbal မိတ်ဆက်

DJI မှ Osmo Mobile 8P အမည်ရ စမတ်ဖုန်း Gimbal အသစ်ကို တရားဝင် မိတ်ဆက်လိုက်သည်။

ယခု Gimbal ၏ အဓိကထူးခြားချက်မှာ ဖြုတ်တပ်နိုင်သော Remote Control ပါဝင်လာခြင်းဖြစ်ပြီး အဝေးမှနေ၍ အလွယ်တကူ ထိန်းချုပ်အသုံးပြုနိုင်မည်ဖြစ်သည်။

၅။ RedMagic 11S Pro မိတ်ဆက်မည့်ရက် အတည်ပြု

ပြီးခဲ့သည့် အောက်တိုဘာလက RedMagic 11 Pro နှင့် Pro+ တို့ကို မိတ်ဆက်ခဲ့ပြီးနောက် ယခုအခါ RedMagic 11S Pro ကို ထပ်မံမိတ်ဆက်ရန် ပြင်ဆင်နေပြီဖြစ်သည်။ ကုမ္ပဏီမှ အဆိုပါ ဂိမ်းဖုန်းအသစ်ကို မကြာမီ မိတ်ဆက်မည်ဟု တရားဝင် အတည်ပြုလိုက်သည်။

၆။ Huawei Watch Fit 5 Pro Review ထွက်ပေါ်

နိုင်ငံတကာဈေးကွက်သို့ ပေါင် ၂၅၀ ဖြင့် ဝင်ရောက်လာသော Huawei Watch Fit 5 Pro ၏ Review များ ထွက်ပေါ်လာပြီဖြစ်သည်။

အဆိုပါ စမတ်နာရီကို လိမ္မော်၊ အဖြူနှင့် အနက်ရောင် ၃ မျိုးဖြင့် ရွေးချယ်ဝယ်ယူနိုင်မည်ဖြစ်သည်။

၇။ vivo ၏ S Series အလယ်အလတ်တန်းစား ဖုန်းများ ပြန်လည်ရောက်ရှိလာမည်

၂၀၁၉ ခုနှစ်က စတင်မိတ်ဆက်ခဲ့ပြီး ၂၀၂၀ တွင် ရပ်နားသွားခဲ့သော vivo ၏ S Series စမတ်ဖုန်းများသည် ၆ နှစ်အကြာတွင် အိန္ဒိယဈေးကွက်သို့ ပြန်လည်ဝင်ရောက်လာမည်ဟု သတင်းထွက်ပေါ်နေသည်။

၈။ iQOO Neo12 တွင် Active Cooling Fan ပါဝင်လာနိုင်

တရုတ်ဈေးကွက်အတွက် ရည်ရွယ်ထုတ်လုပ်မည့် iQOO Neo12 ၏ အချက်အလက်အချို့ ပေါက်ကြားလာသည်။ Tipster Smart Pikachu ၏ အဆိုအရ အဆိုပါဖုန်းတွင် အပူချိန်လျှော့ချပေးမည့် Active Cooling Fan ပါဝင်လာနိုင်သည်ဟု သိရသည်။