နေ့စဉ် နည်းပညာသတင်း — ၆ မေ ၂၀၂၆

၁။ vivo X300 Ultra နှင့် X300 FE အိန္ဒိယဈေးကွက်သို့ ဝင်ရောက်

ပြီးခဲ့သည့်လက နိုင်ငံတကာဈေးကွက်သို့ စတင်မိတ်ဆက်ခဲ့သော vivo ၏ ထိပ်တန်းကင်မရာဖုန်း X300 Ultra နှင့် ဈေးနှုန်းသက်သာသော X300 FE တို့သည် ယခုအခါ အိန္ဒိယဈေးကွက်သို့ တရားဝင် ဝင်ရောက်လာပြီဖြစ်သည်။

နိုင်ငံတကာဗားရှင်းများအတိုင်း အချက်အလက်များ တူညီမည်ဖြစ်ပြီး Zeiss ကင်မရာစနစ်နှင့် Snapdragon 8 Elite Gen 5 တို့ ပါဝင်မည်ဖြစ်သည်။

၂။ Sony Xperia 1 VIII ၏ ဈေးနှုန်းနှင့် ထွက်ရှိမည့်ရက် ပေါက်ကြား

Sony ၏ လာမည့် Flagship ဖုန်း Xperia 1 VIII သည် Amazon (ဂျာမနီနှင့် ယူကေ) တွင် မှားယွင်းစွာ ဖော်ပြခံခဲ့ရသည်။

အဆိုပါ Listing အရ ဇွန်လ ၂၆ ရက်နေ့တွင် စတင်ရောင်းချမည်ဖြစ်ပြီး ဂျာမနီတွင် ယူရို ၁,၈၆၈.၉၉ (ခန့်မှန်း ဒေါ်လာ ၂,၀၀၀ ကျော်) ဖြင့် အလွန်မြင့်မားသော ဈေးနှုန်းဖြင့် ရောင်းချမည်ဟု သိရသည်။

၃။ iPhone Ultra Dummy Unit ဗီဒီယို ထွက်ပေါ်

Apple ၏ အမြင့်ဆုံးမော်ဒယ်ဖြစ်လာမည့် iPhone Ultra ၏ Dummy Unit ကို Hands-on ဗီဒီယိုတစ်ခုတွင် မြင်တွေ့လိုက်ရသည်။

ယခင်လကလည်း ပုံများ ထွက်ပေါ်ခဲ့ဖူးပြီး ယခုဗီဒီယိုတွင် ကင်မရာဒီဇိုင်းနှင့် အရွယ်အစားကို ပိုမိုရှင်းလင်းစွာ မြင်တွေ့ရသည်။

၄။ Apple iOS 27 တွင် Third-party AI များအတွက် Extension System ပါဝင်မည်

ဇွန်လ ၈ ရက်နေ့တွင် ကျင်းပမည့် WWDC တွင် မိတ်ဆက်မည့် iOS 27, iPadOS 27 နှင့် macOS 27 တို့တွင် Apple သည် Third-party AI Model များအတွက် သီးသန့် Extension System တစ်ခုကို တည်ဆောက်ပေးမည်ဟု Bloomberg မှ ဖော်ပြထားသည်။

၅။ Samsung Galaxy Ring 2 ကို ၂၀၂၇ တွင် မိတ်ဆက်မည်

တောင်ကိုရီးယားမှ သတင်းများအရ Samsung ၏ ဒုတိယမျိုးဆက် စမတ်လက်စွပ် Galaxy Ring 2 ကို လာမည့်နှစ် (၂၀၂၇) တွင်မှ မိတ်ဆက်မည်ဟု သိရသည်။

ပထမမျိုးဆက်ကို ၂၀၂၄ တွင် မိတ်ဆက်ခဲ့ခြင်းဖြစ်ရာ ဈေးကွက်အတွင်း ၃ နှစ်နီးပါး ကြာမြင့်ပြီးမှ မျိုးဆက်သစ် ထွက်ပေါ်လာခြင်းဖြစ်သည်။

၆။ Redmi Watch 6 နိုင်ငံတကာဈေးကွက်သို့ ဝင်ရောက်

ပြီးခဲ့သည့် နိုဝင်ဘာလက တရုတ်နိုင်ငံတွင် မိတ်ဆက်ခဲ့သော Redmi Watch 6 သည် ယခုအခါ နိုင်ငံတကာဈေးကွက်သို့ စတင်ဝင်ရောက်လာပြီဖြစ်သည်။

၂ လက်မအရွယ်အစားရှိ ကြီးမားသော မျက်နှာပြင်နှင့် ၂၄ ရက်အထိ အသုံးခံမည့် ဘက်ထရီတို့ ပါဝင်သည်။

၇။ Realme 16x အိန္ဒိယတွင် အသိအမှတ်ပြုလက်မှတ် ရရှိ

ပြီးခဲ့သည့်လက သတင်းထွက်ပေါ်ခဲ့သော Realme 16x သည် ယခုအခါ အိန္ဒိယနိုင်ငံ၏ BIS အသိအမှတ်ပြုလက်မှတ်ကို ရရှိသွားပြီဖြစ်ရာ မကြာမီ တရားဝင် မိတ်ဆက်တော့မည်မှာ သေချာသွားပြီဖြစ်သည်။

၈။ Google ၏ 'The Android Show I/O Edition' ဒုတိယနှစ်အဖြစ် ပြန်လည်ရောက်ရှိ

Google I/O 2026 ပွဲမတိုင်မီ တစ်ပတ်အလိုတွင် ကျင်းပမည့် 'The Android Show' ကို ဒုတိယနှစ်အဖြစ် ဆက်လက်ကျင်းပသွားမည်ဟု Google မှ တရားဝင် အတည်ပြုလိုက်သည်။